成本系其一，我觉得最紧要嘅都系要睇番人嘅质素同管理嘅模式。M$ 唔用 CMM，软件质量一样咁出色（虽然唔好用 -_-"），就系因为佢自己有一套严谨嘅管理模式。Bill 叔叔曾经讲过：“好多人以为我哋系一间软件公司，其实，我哋系一间测试公司。”，有D搞笑，哈哈~

呵呵，当然唔排除依种现象的存在啦。2、3k做外包的，一就系同你讲的雇佣“童工”，二就基本系自己对份单都心大心细的啦！

但系我都见过纯programmer摞15k的外包工，而且要跟足美国的上班时间，顶距系依边昼伏夜行的！搞落来一个over 160斤的肥仔，得翻130唔到，正啊！最佳减肥方法咯！

其实讲真好多野真系事在人为的，过得CMMi关键系仲要有成本操得起啊！好多好野都系需要成本来支撑的，印度佬依点听闻做得唔错，但系唔知系咪都系表面现象，加之真系唔敢走去印度求证，哈哈！

但系据我所知，好多外包公司嘅水准都 @#%&*。我曾經見過一間外包，求其揾咗幾個人，甚至有中學畢業而且冇實際經驗嘅人就去本部 interview，當然學曆同能力唔一定有直接關系，但系個幾個人嘅能力的確係唔得。E 間外包甚至仲幫佢哋改埋 resume，新簡曆度個個唔系華工就系華師。。。跟住就俾佢哋睇本部將會出嘅筆試試題，我當時睇到都傻咗。哎，本部其實就系華爲。諗深一層都系嘅，咁樣做外包法，基本上就系無本生意，華爲個邊大概 1p/1month 俾外包一到兩萬（視乎 project 而定），而經 ED 外包手到 coders 嘅大概只會到三幾千~

用server的时间都尝试过，你话系一个domain入边可能比较容易实现，如果系internet上边会唔会比较有难度呢？我去参考吓人地的reference先。

至于UT的问题，做过Testing training的人都会认为UT系必要的，写肯定都系author写，但系个成本问题的确非常严峻。作为opensource或者其它唔使太强调成本、冇好强的deadline的project要操起身的确有其存在的学术价值；但系现实当中，如果有野可以自动帮你完成大部分的事情，而投入的只系一次性付出的话，好多公司都会选择自动化代码的，听Parasoft的sales讲就系几乎每位IBM的programmer都会有一个Jtest的license，至于距讲的野有冇吹牛就不得而知啦。

至于软件质量的问题，好多人家镇都会重视啦，尤其做外包工作的。真正操得CMMi起身的公司，本身KPA的执行已经够SQA忙餐死的啦，如果code author自己唔行UT，抛上去出左bug，系自己稳来衰的嗟，^^

每個人系 Open Source 社區混得多，都會有想貢獻的諗法，差在去唔去實行而已。

你提到嘅 CVS 問題用統一嘅 CVS Server、使用 Server 時間就OK，linuxsir 上有人做 CVS 手冊（超大工程），極之詳盡，可以去參考下。

你講嘅 Junit 問題，我覺得唔系問題，Unit Test 一定要做，而且一定要由 author 嚟做，即系寫好 class 跟手就做 Unit test，時間上同寫原 class 嘅用時應該系基本相等甚至有所超出呢一點更系正常中嘅正常。我認爲最大嘅問題只系，國內嘅人唔興做 Testing，就算真系做，好多時候都系交交行貨走下過場，好少可以認認真真咁做好佢，想做好 Testing 嘅人，反而好大部分都唔系寫代碼嘅人，咁就變咗好難從根本上保證到軟件嘅質量，更加做唔出乜嘢好嘅軟件，好多國外嘅朋友都話，中國嘅唔系 Programmer，而系 Coder。中國冇自己嘅 OS，都有呢個原因，加上好大部分人嘅“各掃門前雪”心理，想有好像 Linux kernel、sf.net 咁嘅嘢就更加系冇可能。

其實我一直都認爲，linux kernel 嘅成功，唔系佢本身，而系佢所帶嚟嘅模式。
Open Source 好有啓發，對自己，對成個軟件産業，都有佢可取之處。

比较景仰你有甘的心情做依D事情，哈哈！

CVS系好东西，但系到家镇仲有一个原因令我系度犹豫紧：CVS唔用lock的模式而用check in的时间来判断version的变更，我点可以控制到每个客户端都用一个时钟的时间啊？如果唔系的话，我曾经试过get latest出来完全唔系我所想要的version啊！

Junit依家野，真正要达到高的cover rate，花系test case上的时间唔少啊！成本系一个好关键的问题，我推荐用Parasoft的Jtest，虽然有唔少废代码出来，但系至少可以通过配置来减少。唔系的话，为一个method写一个完整的test case，花系做mock、做test method上边的时间几乎对等于一个method的时间（甚至有可能超过）……-.-||